'தெறி' 2ஆம் பாகம் விஜய்-அட்லி அதிரடி முடிவு..!!

இளையதளபதி விஜய் நடித்து முடித்துள்ள 'தெறி' படத்தின் டீசர் இந்திய அளவில் சாதனை புரிந்துள்ள நிலையில் இந்த படத்தின் இரண்டாம் பாகம் தயாரிக்கப்படவுள்ளதாக செய்திகள் வெளிவந்துள்ளது. இந்த படத்தின் கிளைமாக்ஸை லடாக் பகுதியில் எடுத்தபோது விஜய்க்கு இரண்டாம் பாக ஐடியாவை அட்லி கூறியதாகவும், விரைவில் மீண்டும் விஜய்-அட்லி கூட்டணி இணையவுள்ளதாகவும் கூறப்படுகிறது.

முதல் பாகத்தில் ஒருசில காட்சிகளில் நடித்த விஜய் மகள் திவ்யாவுக்கு இரண்டாவது பாகத்தில் முக்கிய கதாபாத்திரம் இருக்கும் வகையில் திரைக்கதை உருவாக்கப்படும் என்றும், இரண்டாம் பாகத்திலும் எமிஜாக்சன் நடிக்கவுள்ளதாகவும் கூறப்படுகிறது.

இந்நிலையில் 'தெறி' படத்தின் வியாபாரத்தை கலைப்புலி எஸ்.தாணு தொடங்கிவிட்டதாகவும், முதல்கட்டமாக வெளிநாட்டு உரிமைகளின் வியாபாரத்தையும் அதன்பின்னர் வெளிமாநில, மற்றும் தமிழக ரிலீஸ் உரிமைகளின் வியாபாரத்தை முடிக்க திட்டமிட்டுள்ளதாகவும் கூறப்படுகிறது.

Tags: Cinema , Theri , theri teaser , அட்லி , சினிமா , தெறி , விஜய்