சுவாதி கொலையில் கூட விஜய், அஜித் ரசிகர்களின் எல்லை மீறல்- என்ன தான் பிரச்சனை இவர்களுக்கு?

தமிழ் சினிமாவின் பாக்ஸ் ஆபிஸ் மன்னர்கள் விஜய், அஜித். இவர்கள் படங்கள் வருகிறது என்றாலே பேனர், போஸ்டர் என திரையரங்குகள் திருவிழா போல் இருக்கும், இதில் விஜய், அஜித் இருவரின் படங்கள் ஒரே நாளில் வந்தால் திரையரங்கில் வெட்டு குத்து நடக்கும்.

ஆனால், இந்த சமூக வலைத்தளங்கள் எப்போது வந்ததோ சண்டையெல்லாம் தற்போது இணையத்தில் தான் அனல் பறக்கிறது, அது ஒரு ஆக்கப்பூர்வமாக இருந்தால் பரவாயில்லை, அதனால் எந்த பயனும் யாருக்கும் இல்லை.

இவர்களால் அந்த நடிகர்களின் மதிப்பிற்கு தான் பாதிப்பு ஆகும், அதைவிட கொடுமை என்னவென்றால் எந்த ஒரு நடிகரை பற்றி எந்த செய்தி போட்டாலும் இவர்கள் ரசிகர்களின் சண்டை தான் கமெண்ட் பாக்ஸில் இருக்கும்.

தற்போது இந்த சண்டை எல்லை மீறி சமீபத்தில் நடந்த சுவாதி கொலை வழக்கு வரை வந்து நின்றுள்ளது. இதில் மிகவும் அசிங்கம் என்னவென்றால், அந்த கொலைக்காரன் புகைப்படத்தை போலிஸ் வெளியிட்டது, அதில் விஜய், அஜித் தலையை வைத்து மார்பிங் செய்து இவர்கள் செய்த கலாட்டா பலரையும் கோபப்படுத்தியது.

Tags: Cinema , அஜித் , சண்டை , சினிமா , சுவாதி கொலை , விஜய் , விஜய் அஜித் ரசிகர்கள்