சிவகார்த்திகேயன் மீது லட்சுமி ராமகிருஷ்ணன் காட்டம்..!!

'என்னம்மா இப்படி பண்றீங்களேம்மா' பாடலை வணிக ரீதிக்காக உபயோகப்படுத்தி விட்டு அதற்கு காரணம் என என்னைக் கலாய்த்தவர்களுக்கு கிரெடிட் தருவது என்பது எந்த விதத்தில் நியாயம்? என்று நடிகர் சிவகார்த்திகேயனுக்கு இயக்குநர் லட்சுமி ராமகிருஷ்ணன் காட்டமாக கேள்வி எழுப்பியுள்ளார்.

பொன்ராம் இயக்கத்தில் சிவகார்த்திகேயன் நடிப்பில் வெளியாகி ஓடிக்கொண்டிருக்கும் 'ரஜினி முருகன்' படத்தில் 'என்னம்மா இப்படி பண்றீங்களேம்மா' பாடல் மிகவும் பிரபலம் அடைந்துள்ளது.  இதனிடையே, படத்தை விளம்பரப்படுத்தும் விதமாக தனியார் தொலைக்காட்சி நிகழ்ச்சி ஒன்றில் கலந்து கொண்ட சிவகார்த்திகேயனிடம், 'என்னம்மா' பாடல் குறித்து கேள்வி எழுப்பப்பட்டப் போது "அப்பாடல் 'என்னம்மா இப்படி பண்றீங்களேம்மா’ என்று கலாய்க்கப்பட்ட நிகழ்ச்சியில் இருந்து எடுக்கப்பட்டது" என்று பதிலளித்துள்ளார்.

.@Siva_Kartikeyan Spoof crossed the limits and hurt me so badly. You use it for commercial purpose and credit the people who mocked me?!

— Lakshmy Ramakrishnan (@LakshmyRamki) January 16, 2016

இந்நிலையில், சிவகார்த்திகேயனின் இந்த பதிலுக்கு லட்சுமி ராமகிருஷ்ணன் தனது ட்விட்டர் பக்கத்தில், 'என்னம்மா பாடல்' கலாய்ப்பு நிகழ்ச்சியில் இருந்து எடுக்கப்பட்டது என்றும், உண்மையான வசனத்துக்கு சம்பந்தமில்லை என்றும் சிவகார்த்திகேயன் விளக்கம் அளித்துள்ளார். அப்படி என்றால் கலாய்ப்பு நிகழ்ச்சி ஒரு சிறந்த நிகழ்ச்சியா? சிவகார்த்திகேயனின் கலாய்ப்பு எல்லை மீறி போய்விட்டது. இதனால் நான் மிகவும் பாதிக்கப்பட்டு இருக்கிறேன்.

வணிக ரீதிக்காக உபயோகப்படுத்தி விட்டு அதற்கு காரணம் என என்னைக் கலாய்த்தவர்களுக்கு கிரெடிட் தருவது என்பது எந்த விதத்தில் நியாயம்? 'என்னம்மா' பாடலுக்கு நான் தான் காரணம் என்று சொன்னால் நான் பணம் கேட்டு விடுவேனா?. கவலை வேண்டாம் சிவகார்த்திகேயன், இதை விட எனக்கு உருப்படியான நிறைய வேலைகள் இருக்கிறது" என்று காட்டமாக கூறியுள்ளார்.

Tags: Cinema , Rajini Murugan , Sivakarthikeyan , சிவகார்த்திகேயன் , சினிமா , லட்சுமி ராமகிருஷ்ணன்