'ஈட்டி' வெற்றியை அடுத்து சுறுசுறுப்பாகும் அதர்வாவின் அடுத்த படம்..!!

அதர்வா, ஸ்ரீதிவ்யா நடிப்பில் நேற்று வெளியான 'ஈட்டி' திரைப்படம் ரசிகர்கள் மற்றும் ஊடகங்கள் இடையே நல்ல வரவேற்பை பெற்றுள்ள நிலையில் அதர்வாவின் அடுத்த படமான 'கணிதன்' படத்தை விரைவில் முடித்து ரிலீஸ் செய்ய படக்குழுவினர் தீவிரமாக செயல்பட்டு வருவதாக கூறப்படுகிறது.

அதர்வா, மெட்ராஸ்' நாயகி கேத்தரின் தெரசா, கே.பாக்யராஜ், சத்யராஜ், நாசர், மனோபாலா, கருணாகரன், ஆடுகளம் நரேன், ஒய்.ஜி.மகேந்திரா உள்பட பலர் நடித்துள்ள 'கணிதன்' திரைப்படத்தை விரைவில் முடிக்க இயக்குனர் சந்தோஷ் தீவிர முயற்சியில் உள்ளார். கலைப்புலி எஸ்.தாணு தயாரித்துள்ள இந்த படத்திற்கு டிரம்ஸ் சிவமணி இசையமைத்துள்ளார்.

இந்த படம் அனேகமாக வரும் 2016ஆம் ஆண்டு ஜனவரி அல்லது பிப்ரவரியில் ரிலீஸ் ஆகும் என எதிர்பார்க்கப்படுகிறது. சயின்ஸ் பிக்சன் படம் என்பதால் இந்த படத்திற்கு பெரும் எதிர்பார்ப்பு ஏற்பட்டுள்ளதாக கூறப்படுகிறது.

Tags: Cinema , அதர்வா , அதர்வாவின் அடுத்த படம் , ஈட்டி , சினிமா , ஸ்ரீதிவ்யா