சோலார் ஸ்டார் என்று தனக்குத் தானே பட்டம் சூட்டிக் கொண்டு ஒரு படத்தில் நாயகனாகவும் நடித்து அச்சுறுத்திய ராஜகுமாரன், அடுத்து இன்னொரு படத்தில் நடிக்கிறார். இதில் அவருக்கு ஜோடியாக சமந்தா நடிப்பார் என்று சொல்லப்பட்டது.இந்த விஷயம் காதில் விழுந்த கையோடு தனது மறுப்பைத் தெரிவித்து, அந்தப் படத்துக்கே ஒரு பெரிய கும்பிடு போட்டுள்ளார் நடிகை சமந்தா.

இந்தப் படத்தை இயக்குபவர் விஜய் மில்டன். இவர் இதற்கு முன்பு இயக்கிய பத்து எண்றதுக்குள்ள படத்தில் நாயகியாக நடித்தவர்தான் சமந்தா.'10 எண்றதுக்குள்ள' படத்துக்கு முன்பாகவே, டி.ராஜேந்தரை நாயகனாக வைத்து ஒரு கதையை விஜய் மில்டன் இயக்கவிருப்பதாக தகவல்கள் வெளியாகின. டி.ராஜேந்தர் நாயகனாக நடிக்கவிருந்த அப்படத்தில் தற்போது நாயகனாக ஒப்பந்தமாகி இருக்கிறார் ராஜகுமாரன்.

 இப்படத்தில் பரத் வில்லனாக நடிக்க இருக்கிறார்.'10 எண்றதுக்குள்ள' படத்தில் நாயகியாக நடித்த சமந்தா, இப்படத்தில் ராஜகுமாரனுக்கு நாயகியாக நடிக்க ஒப்பந்தமாகி இருப்பதாக செய்திகள் வெளியாகின. விஜய் மில்டன் கேட்டுக் கொண்டதால் இப்படத்தை சமந்தா ஒப்புக் கொண்டதாகவும் கூறினர்.இது குறித்து சமந்தாவிடம் கேட்ட போது, "அய்யய்யோ.. எனக்குத் தெரியவே தெரியாதுய. இப்படி ஒரு படத்தை நான் ஒப்புக் கொள்ளவே இல்லை" என்றார்.

இந்த மாதம் தொடங்கவிருக்கும் இந்தப் படத்தில் ராஜகுமாரன், பரத் ஆகியோர் முக்கிய வேடங்களில் நடிக்கிறார்கள்.

மேலும் வாசிக்க…

இயக்குனர் விக்ரமனிடம் உதவியாளராக பணியாற்றிய ராஜகுமாரன் நீ வருவாய் என படத்தின் மூலம் இயக்குனராக களமிறங்கினார். பின்னர் விண்ணுக்கும் மண்ணுக்கும் படத்தின்போது நடிகை தேவயானியுடன் காதல் வயப்பட்டு இருவரும் திருமணம் செய்துகொண்டனர்.

பின்னர், இவர் இயக்கிய காதலுடன் படத்தின் தோல்வியைத் தொடர்ந்து, திருமதி தமிழ் படத்தின் மூலம் கதாநாயகனாக அவதாரம் எடுத்தார். அந்த படமும் எதிர்பார்த்த வெற்றியை பெறவில்லை.

இந்நிலையில், நீண்டகாலமாக சினிமாவை விட்டு ஒதுங்கி இருந்த ராஜகுமாரன், சமீபத்தில் சந்தானம் நடிப்பில் வெளிவந்த வல்லவனுக்கு புல்லும் ஆயுதம் படத்தில் காமெடி வேடத்தில் ஒரு சில காட்சிகளில் நடித்தார்.
இந்த படத்தை தொடர்ந்து தற்போது விஜய் மில்டன் இயக்கும் புதிய படத்தில் ஹீரோவாக நடிக்கவிருக்கிறார். இப்படத்தில் இவருக்கு வில்லனாக பரத் நடிக்கவிருக்கிறார்.

வித்தியாசமான கதையம்சத்துடன் உருவாகவுள்ள இப்படத்தில் ராஜகுமாரனுக்கு ஜோடியாக சமந்தா ஒப்பந்தமாகியுள்ளதாக சமீபத்தில் செய்திகள் வெளிவந்தது.

தமிழ் சினிமாவில் முன்னணி நடிகைகள் வரிசையில் உள்ள சமந்தா, ராஜகுமாரனுக்கு ஜோடியாக நடிக்கவிருக்கிறார் என்ற செய்தி கோலிவுட் வட்டாரத்தில் பெரும் அதிர்ச்சியை ஏற்படுத்தியது.

இதுகுறித்து, படக்குழு வட்டாரங்களில் விசாரிக்கும்போது, இந்த படத்தில் நடிக்க சமந்தா ஒப்பந்தமாகவில்லை என்றும், அவ்வாறு வெளியான செய்திகள் அனைத்தும் வெறும் வதந்தி என்றும் கூறப்பட்டது.

ஏற்கெனவே, டி.ராஜேந்தர்தான் இந்த படத்தில் ஹீரோவாக நடிக்கப்போவதாக செய்திகள் வெளிவந்தது. தற்போது, அவரை நீக்கிவிட்டு, ராஜகுமாரனை விஜய்மில்டன் ஹீரோவாக்கியுள்ளார் என்பது குறிப்பிடத்தக்கது.

மேலும் வாசிக்க…