சிவகார்த்திகேயன் நடித்த ரெமோ படம் வெற்றிகரமாக ஓடிக்கொண்டிருக்கிறது. இதன் சக்சஸ் மீட்டில் திடிரென சிவகார்த்திகேயன் கண்ணீர் விட்டு எங்கள் வேலையை செய்யவிடுங்கள் என உணர்ச்சிவசப்பட்டார்.

இதற்கு காரணம் என்ன என்று அனைவரும் யோசிக்கையில், இப்படத்தை வாங்கி வெளியிட்ட திருப்பூர் சுப்பிரமணி இதுபற்றி கூறியுள்ளார்.

அவர் கூறியதாவது, மான்கராத்தே எடுத்த 'எஸ்கேப் ஆர்ட்டிஸ்ட்ஸ்' மதன், மற்றும் வேந்தர் பிலிம்ஸ் மதன், இருவரும் சிவகார்த்திகேயனிடம் புதுப்படத்துக்கு அட்வான்ஸ் கொடுத்து இருப்பதாகச் சொல்கின்றனர். சிவகார்த்திகேயனோ இரண்டு மதன்களிடம் இருந்தும் 'நான் அட்வான்ஸ் பணம் வாங்கவில்லை' என்று மறுக்கிறார்.

'எஸ்கேப்' மதனோ தன்னிடம் ஆதாரம் இருப்பதாக சொல்கிறார். அந்த மன உளைச்சலில் இருந்ததால் சிவகார்த்திகேயன் அழுது இருக்கிறார் என்று விளக்கமளித்துள்ளார்.

மேலும் வாசிக்க…

எனக்குள்ஒருவன் படத்தைத் தொடர்ந்து சித்தார்த் நடிப்பில் வெளிவரவிருக்கும் படம் ஜில்ஜங்ஜக். அவரே தயாரிக்கும் இந்தப்படத்தை தீரஜ்வைத்தி எனும் புதியவர் இயக்குகிறார்.

இந்தப்படத்தின் முதல்பார்வையை அண்மையில் அவர் வெளியிட்டார். அதைத் தொடர்ந்து, படத்தின் குறுமுன்னோட்டம் எனப்படும் டீஸரை வெளியிடத் திட்டமிட்டிருக்கிறார். நவம்பர் ஆறாம்தேதி அந்த டீஸரை சிவகார்த்திகேயனும் ஹன்சிகாவும் வெளியிடவிருக்கிறார்களாம்.

இருவரும் மான்கராத்தே படத்தில் சேர்ந்து நடித்திருந்தார்கள். அதன்பின்னர் இருவரும் சேர்ந்து இந்த நிகழ்ச்சியில் கலந்துகொள்வார்களா? என்று கேட்டால் இல்லையாம். இதற்காகத் தனியாக நிகழ்ச்சி எதுவும் இல்லையென்றும் டிவிட்டரில் இருவரும் இந்தப்பட டீஸரை வெளியிடவிருக்கிறார்கள் என்றும் சொல்லப்படுகிறது.

மேலும் வாசிக்க…