அஜித் பெயருக்கு களங்கம் ஏற்படுத்துகிறார்களா ரசிகர்கள்? அதிர்ச்சி தகவல்..!!

அஜித் நல்ல நடிகர் என்பது மட்டுமில்லாமல் தன் ரசிகர்களுக்கு நல்ல வழிகாட்டியும் கூட. இவர் தன் ரசிகர்கள் எப்போதும் சினிமா, போஸ்டர், பேனர் என்றில்லாமல் வாழ்க்கையிலும் பெரிய இடத்திற்கு வரவேண்டும் என்பதற்காக மன்றத்தையே கலைத்தார்.

ஆனால், அதன் பிறகு தான் இவருக்கு ரசிகர்கள் கூட்டம் அதிகமானது, தற்போது அஜித் ரசிகர்களின் ஆதிக்கம் சமூக வலைத்தளங்களில் கை உயர்ந்தி நிற்கின்றது.

இதை ஆக்கப்பூர்வமாக பயன்படுத்தாமல் அஜித் பெயரை களங்கப்படுத்தும் விதமாக சிலர் செய்து வருகின்றனர். நடிகர் சங்க கிரிக்கெட் குறித்து அஜித் இதுவரை எந்த கருத்தையும் வெளிப்படையாக சொல்லவில்லை.

மேலும், விஷாலும் அஜித்தை எந்த ஒரு இடத்திலும் வரவேண்டும் என்று கட்டாயப்படுத்தவில்லை, ஆனால், ஏதோ அஜித்திற்கும் விஷாலுக்கும் சண்டை போன்று அஜித் ரசிகர்கள் சில அநாகரீகமான போஸ்டர்களை அடித்து வருகின்றனர்.

இவை ரசிகர்கள் அஜித் மீது கொண்ட அன்பிற்காக செய்தது என்றாலும், ஒரு நடிகராக அஜித்தே இதை விரும்ப மாட்டார், இதன் மூலம் அஜித்தின் நல்ல இமேஜ் கெடும் வாய்ப்பு தான் அதிகம். இதை ரசிகர்கள் புரிந்துக்கொள்வார்களா..?.

Tags: Cinema , அஜித் , சினிமா , நடிகர் சங்க கிரிக்கெட் , ரசிகர்கள் , விஷால்