தெறி இசை விழாவில் கலந்துகொள்ளும் ரஜினி..!!

அட்லி இயக்கத்தில் ‘இளையதளபதி’ விஜய் நடித்திருக்கும் தெறி படத்தின் இசை வெளியீட்டு விழா வரும் மார்ச் 20-ம் தேதி சென்னையில் மிக பிரம்மாண்டமான முறையில் நடைபெறவுள்ளது.

வழக்கமாக விஜய் படங்களின் இசை விழாக்களில் சிறப்பு விருந்தினர்களாக யாரும் தனியாக அழைக்கப்பட மாட்டார்கள். ஆனால் தெறி இசை விழாவில் ‘சூப்பர் ஸ்டார்’ ரஜினிகாந்த் சிறப்பு விருந்தினராக கலந்துகொண்டு இசை தட்டை வெளியிடுவார் என கூறப்படுகிறது.

தெறி படத்தின் தயாரிப்பாளர் எஸ். தாணு கபாலி படத்தின் தயாரிப்பாளர் என்பது மட்டுமல்லாமல் ரஜினியின் நெருங்கிய நண்பர் என்பதால் அவர் கலந்து கொள்வதற்கு நிறையவே வாய்ப்பிருப்பதாக நம்பப்படுகிறது.

Tags: Cinema , அட்லி , கபாலி , சினிமா , தெறி , ரஜினி , விஜய்