அஸ்வினைக் கவர்ந்த த்ரிஷா..!!

 அஸ்வின் என்றதும் எந்தத் திரைப்படத்தில் நடித்தவர் என்று யோசிக்க வேண்டாம், இந்த அஸ்வின், இந்திய கிரிக்கெட் அணியின் நம்பிக்கை நட்சத்திரமாக இருப்பவர். தீவிர திரைப்பட ரசிகரான அஸ்வின் முடிந்த வரையில் அனைத்து முக்கிய படங்களையும் பார்த்து ரசிப்பவராம். இதற்கு முன் சில டிவி நிகழ்ச்சிகளில் பங்கேற்ற போதும் அது பற்றி கூறியிருந்தார். சமீபத்திய டிவி பேட்டி ஒன்றில் அவர் பேசியதைப் பார்த்தவர்களுக்கு, அவர் எந்த அளவிற்கு திரைப்படங்களை ரசிப்பவர் என்பதுபுரிந்திருக்கும்.

நகைச்சுவைப் படங்களை அஸ்வின் தவறாமல் பார்த்து விடுவாராம். கவுண்டமணி, வடிவேலு போன்ற பல நகைச்சுவை நடிகர்களின் தீவிர ரசிகரான அஸ்வின், வடிவேலு சினிமாவில் நடிக்காதது மிகப் பெரிய இழப்பு என்கிறார். அது மட்டுமல்ல நடிகை த்ரிஷாவிற்காக சிறு வயதிலேயே ரசிகர் மன்றத்தை ஆரம்பித்தவர் என்ற உண்மையை வெளிப்படையாகத் தெரிவித்துள்ளார்.

“நான் ஏழாவதோ, எட்டாவது படிக்கும் போது லேசா லேசா படம் வந்தது. நாங்க ஒரு ஐந்து, ஆறு பேரு த்ரிஷாவோட தீவிரமான  ரசிகர்கள். அப்ப ஒரு ரசிகர் மன்றம் ஆரம்பிச்சோம், அதை ரிஜிஸ்டர் பண்ணணும்லாம் கூடத் தெரியாது. அவங்களோட புகைப்படங்களையெல்லாம் சேகரிக்கிற அளவுக்குத் தீவிரமான ரசிகர்களா அப்ப இருந்தோம்,” என்றார் அஸ்வின். அடுத்து அஸ்வின் சினிமாவில் நடிக்க வந்தால் ஹீரோயினாகத் த்ரிஷாதான் நடிக்க வேண்டும் என்று நிபந்தனை விதிப்பார் போலிருக்கிறது.

Tags: Cinema , thirisha , அஸ்வினைக் கவர்ந்த த்ரிஷா , சினிமா