சினிமா என்று வந்துவிட்டால் அப்பா, மகன், இவர் வயதானவர் என்பதெல்லாம் பார்க்க முடியாது.

சினிமாவில் நாயகி ஒரு படம் இளம் நடிகருடன் நடித்திருப்பார். பின் இன்னொரு படத்தில் அந்த நடிகரின் அப்பாவுடனேயும் அந்த நாயகி நடித்திருப்பார். இதுபோன்ற விஷயங்கள் சினிமாவில் சாதாரண விஷயம்.
அப்படி அப்பா, மகனுடன் ஜோடி சேர்ந்து நடித்த நடிகைகளின் விவரத்தை பார்ப்போம்.

சமந்தா
தெலுங்கில் பவன் கல்யாணுடன் ஜோடி சேர்ந்து நடித்த சமந்தா, பின் சில ஆண்டுகளில் அவரது அண்ணன் மகன் அல்லு அர்ஜுனுடன் சண் ஆஃப் சத்யமூர்த்தி படத்தில் நடித்திருப்பார்.

இலியானா
பவன் கல்யாணுடன் ஜல்ஸா படத்தில் நடித்த இவர் 4 ஆண்டுகள் கழித்து அல்லு அர்ஜுனுடன் ஜுலாயி படத்தில் நடித்தார்.

த்ரிஷா
2012 ல் ஜுனியர் என்டிஆருக்கு ஜோடியாக தம்மு படத்தில் நடித்தவர், போன வருடம் பாலகிருஷ்ணாவுக்கு ஜோடியாக லயனில் நடித்தார்.

ஸ்ரேயா சரண்
பாலகிருஷ்ணாவுடன் இரண்டு படங்கள் நடித்த ஸ்ரேயா, இவரது சகோதரர் மகன் ஜுனியர் என்.டி.ஆருடனும் ஒரு படம் நடித்திருக்கிறார்.

காஜல் அகர்வால்
ஒரே ஆண்டில் பாலகிருஷ்ணா, ஜுனியர் என்.டி.ஆருடன் நடித்த பெருமை இவருக்கு உண்டு. ராம்சரணுடன் நடித்த இவர் தற்போது அவரது அப்பா சிரஞ்சீவியுடனும் கத்தி ரீமேக்கில் ஜோடி சேர்கிறார்.

நயன்தாரா
வெங்கடேஷுடன் லெக்ஷமி என்ற படத்தில் நடித்த நயன்தாரா இவரது சகோதரர் மகன் ராணாவுடனும் சேர்ந்து ஒரு படம் நடித்துள்ளார்.

தமன்னா
ராம்சரணுடன் ஒரு படம் நடித்த இவர் அவருடைய சித்தப்பா பவன் கல்யாணுடனும் ஒரு படம் நடித்துள்ளார்.

அனுஷ்கா ஷெட்டி
நாகர்ஜுனா குடும்பத்தில் அப்பா, மகனுடன் நடித்த இவர் வெங்கடேஷ், ராணாவுடனும் படங்கள் நடித்திருக்கிறார்.

ஸ்ருதிஹாசன்
பவன் கல்யாணுடன் நடித்திருந்த இவர் அல்லு அர்ஜுன், ராம் சரண் இருவருடனும் நடித்திருக்கிறார்.

ஸ்ரீதேவி
அப்பா, மகனுடன் படங்களில் நடிக்கும் டிரெண்டை உருவாக்கியது ஸ்ரீதேவி தான். நாகர்ஜுனாவின் அப்பாவுடன் நடித்த இவர் நாகர்ஜுனாவுடனும் ஒரு படம் நடித்திருக்கிறார்.

மேலும் வாசிக்க…

காஜல் அகர்வால் கவனம் மீண்டும் இந்தி படங்கள் மீது திரும்பி இருக்கிறது. தமிழ், தெலுங்கு படங்களில் கிடைத்த வெற்றி பாலிவுட்டில் அவருக்கு கிடைக்கவில்லை.

சிங்கம், ஸ்பெஷல் 26 என 2 இந்தி படங்களில் நடித்தபோதும் புதிய வாய்ப்புகள் குவியவில்லை. கவர்ச்சிதான் இந்தி மார்க்கெட்டுக்கு கைகொடுக்கும் என்று எண்ணியவர் சமீபத்தில் மும்பையில் நடந்த பட விழாவுக்கு கவர்ச்சி பளிச்சிட வந்து பார்வையாளர்களை அசத்தினார்.

பாலிவுட்டில் குத்தாட்டம் ஆடும் நாயகிகள் தினம் தினம் இதுபோல் போஸ் தருவதால் காஜலின் கவர்ச்சியை யாரும் கண்டுகொள்ளவில்லை. அடுத்த ஆயுதமாக லிப் டு லிப் கிஸ் கையிலெடுத்திருக்கிறார். ரன்தீப் ஹுடாவுடன் காஜல் நடிக்கும் புதிய இந்தி படம் ‘டு லஃப்ஸோன் கி கஹானி’. இதில் பார்வையற்ற பெண்ணாக நடிக்கிறார்.

கவர்ச்சியை மூடி வைத்து இந்தியில் நடித்து வந்த காஜல் இப்படம் மூலம் விதிமுறைகளை தளர்த்தி இருக்கிறார். ரன்தீப்புடன் அவர் லிப் டு லிப் முத்தக்காட்சியில் நடித்து பாலிவுட் இயக்குனர்களை திரும்பி பார்க்க வைத்திருக்கிறார்.

மேலும் வாசிக்க…

தமிழ், தெலுங்கில் முன்னணி நாயகியாகத் திகழும் காஜல் அகர்வால் தற்போது நடிப்புக்கு முக்கியத்துவம் உள்ள படங்களில் மட்டுமே நடிப்பது என்ற முடிவிற்கு வந்திருக்கிறார்.

தமிழ், தெலுங்கு சினிமாக்களில் மிகவும் கவர்ச்சி காட்டி நடித்து வந்தவர் காஜல் அகர்வால். நடிப்பை விட காஜலின் கவர்ச்சி தான் படங்களில் அதிகம் இருக்கும் என்ற பெயரை வாங்கிய காஜல் தற்போது தனது முடிவை மாற்றிக் கொண்டிருக்கிறார்.

இனிமேல் நடிப்புக்கு அதிகம் முக்கியத்துவம் உள்ள படங்களை மட்டுமே ஏற்பது என்று சபதமேற்றிருக்கும் காஜல் அதன் முதல் கட்டமாக டு லப்ஸான் கி கஹானி என்ற படத்தில் பார்வையற்ற பெண்ணாக நடிக்கிறார்.

இதற்காக பார்வையற்ற பள்ளிக்கு சமீபத்தில் சென்று அவர்களின் உடல் மற்றும் செயல்பாடுகளை கவனித்து இருக்கிறார். மேலும் தான் கவனித்தவற்றை படத்தில் பயன்படுத்தவும் காஜல் முடிவு செய்திருக்கிறார்.
தமிழில் தற்போது கவலை வேண்டாம் படம் மட்டுமே காஜலின் கைவசம் உள்ள நிலையில், விக்ரமை வைத்து திரு இயக்கும் புதிய படத்திலும் இவரை நடிக்க வைக்க பேச்சுவார்த்தைகள் நடந்து வருகின்றன.

ஏற்கனவே ஆனந்த் ஷங்கர் இயக்கத்தில் விக்ரம் நடிக்கும் படவாய்ப்பை இழந்த காஜல் தற்போது இந்தப் படத்திலாவது விக்ரமுடன் இணைவாரா? என்று ரசிகர்கள் ஆவலுடன் எதிர்பார்த்துக் காத்திருக்கின்றனர்.

இழந்த வாய்ப்பை மீண்டும் பெறுவாரா காஜல்? பொறுத்திருந்து பார்க்கலாம்.

மேலும் வாசிக்க…