விஜய்யின் அடுத்த படம்தொடங்கியது, படத்தின் பெயர்???

விஜய் நடிக்கும் புதியபடத்தின் படப்பிடிப்பு  இன்று தொடங்கியது. இந்தப்படத்துக்கு இப்போதைக்கு தளபதி 60 என்று பெயர் வைத்திருக்கிறார்கள்.

இந்தப்படத்தை, எங்கள் வீட்டு பிள்ளை , உழைப்பாளி , நம்மவர் , தாமிரபரணி , படிக்காதவன் , வேங்கை ,வீரம் உட்பட அறுபதுக்கும் மேற்பட்ட படங்களை தயாரித்த  பிரபல நிறுவனமான விஜயா புரொடக்க்ஷன்ஸ் தயாரிக்கிறது.

அழகியதமிழ்மகன் பட இயக்குநர் பரதன் இயக்கத்தில், உருவாகவிருக்கும் இப்படத்தின் படப்பிடிப்பு இன்று(11-04-2016) பூந்தமல்லி ஈவிபி ஸ்டுடியோவில் பூஜையுடன்  தொடங்கியது.

இப்படத்தில் நாயகியாக கீர்த்தி சுரேஷ் நடிக்கிறார். 'கத்தி' திரைப்படத்தில் விஜய்யுடன் இணைந்து நடித்த நகைச்சுவை நடிகர் சதிஷ் இந்தப் படத்திலும் விஜய்யுடன் இணைகிறார்.. மற்றும் ஜெகபதிபாபு, டேனியல் பாலாஜி, தம்பிராமைய்யா, ஸ்ரீமன் ஆகியோர் நடிக்கிறார்கள்.

Tags: Cinema , கத்தி , கீர்த்தி சுரேஷ் , சினிமா , தளபதி 60 , பரதன் , விஜய்