விஜய் பட வில்லனுக்கு ஜோடியான அஜித் பட நாயகி..!!

நடிகர் கார்த்தியை ரொமாண்டிக் ஹீரோவாக மாற்றியது பையா படம் தான். லிங்குசாமி இயக்கிய இப்படம் 100 நாட்களைக் கடந்து ஓடியது.

தற்போது இப்படத்தை ஹிந்தியில் ரீமேக் செய்வதற்காக பேச்சுவார்த்தை நடைபெற்று வருவதாக கூறப்படுகிறது.இதில் கார்த்தி கேரக்டரில் வித்யூத் ஜாம்வால் நடிக்க இருக்கிறாராம்.

இவர் தமிழில் துப்பாக்கி பில்லா 2,அஞ்சான் போன்ற படங்களில் நடித்துள்ளார். இவருக்கு ஜோடியாக, அதாவது தமன்னா நடித்த கேரக்டரில் ஸ்ருதிஹாசனிடம் பேச்சுவார்த்தை நடத்தப்பட்டு வருகிறதாம்.பையா படத்தை இயக்கிய லிங்குசாமியே, ஹிந்தியிலும் இயக்குவார் எனக் கூறப்படுகிறது.

விரைவில் இப்படம் குறித்த அதிகாரபூர்வ தகவல் வெளியாகும் என எதிர்பார்க்கப்படுகிறது.