பாகுபலி 2 படத்தில் நடிக்கிறேனா சூர்யா மறுப்பு..!!

இயக்குனர் ராஜமௌலி இயக்கத்தில் நடிகர் பிரபாஸ் நடிகை தமன்னா நடிகர் ராணா உள்ளிட்ட பல நட்ச்சத்திரப் பட்டாளங்களின் நடிப்பில் வெளிவந்த பாகுபலி திரைப்படம் வசூலில் சாதனை படைத்தது.

தமிழ், மலையாளம் மற்றும் ஹிந்தியில் வெளிவந்த பாகுபலி படத்தின் இரண்டாம் பாகமான பாகுபலி தி கன்குலூசன் திரைப்படத்திற்கான ப்ரீ புரொடக்ஷன் பணிகளை ராஜமௌலி துவங்கிவிட்டார் இப்படத்தின் வழக்கமான படப்பிடிப்புகள் நவம்பர் மாதம் முதல் துவங்கவுள்ளன.

இந்நிலையில் பாகுபலி படத்தின் தமிழ் பாடல்கள் வெளியீட்டில் கலந்து கொண்ட நடிகர் சூர்யா இயக்குனர் ராஜமௌலி இயக்கத்தில் நடிக்க வேண்டும் என்ற தனது ஆசையை வெளிப்படுத்தினார்.

அது முதல் சூர்யா பாகுபலி 2 படத்தில் முக்கிய வேடமேற்று நடிப்பதாக தகவல்கள் வெளிவந்தன இதுவரை இத்தகவல்களுக்கு செவி சாய்க்காத சூர்யா பாகுபலி 2 படத்தில் நடிக்க யாரும் இதுவரை என்னை அணுகவில்லை அப்படத்தில் நான் நடிக்கவும் இல்லை என செய்தி நிறுவனம் ஒன்றுக்கு அளித்த பேட்டியில் தெரிவித்துள்ளார்.

Tags: Cinema , சூர்யா , பாகுபலி , பாகுபலி 2 படத்தில் நடிக்கிறேனா சூர்யா மறுப்பு