தனது ஃபேஸ்புக் கணக்கை நீக்கியது ஏன் என நடிகர் விஜய் சேதுபதி விளக்கமளித்துள்ளார்.

அருண் இயக்கத்தில் விஜய் சேதுபதி, ரம்யா நம்பீசன், வேலார் ராமமூர்த்தி உள்ளிட்ட பலர் நடிப்பில் வெளியாகி இருக்கும் படம் ‘சேதுபதி’.

நிவாஸ் பிரசன்னா இசையமைத்திருக்கும் இப்படத்தை வான்சன் மூவிஸ் நிறுவனம் தயாரித்துள்ளது.

விமர்சன ரீதியாக இப்படத்திற்கு நல்ல வரவேற்பு கிடைத்திருக்கிறது.

இந்நிலையில், தனது ஃபேஸ்புக் கணக்கை நீக்கியது ஏன் என ‘தி ஹிந்து’ ஆங்கில நாளிதழுக்கு அளித்த பேட்டியில் விஜய் சேதுபதி விளக்கமளித்துள்ளார்.

அதில்,

நான் சில காலம் பேஸ்புக்கில் இணைந்திருந்தேன். கமெண்ட்களுக்கு பதில் சொல்வேன், ரசிகர்களின் பாராட்டுக்கு நன்றி சொல்வேன். ஆனால், பேஸ்புக் எனது உணர்ச்சிகளை மரத்துப்போகச் செய்வது போல உணர்ந்தேன். ஒருவர் சோகமான செய்தியைப் பகிர்ந்ததைக் காண நேரிட்டது. ஆனால், அது குறித்து நான் யோசிக்கும் முன்னரே வேறொருவர் நகைச்சுவையான மீம் ஒன்றை அவர் கணக்கில் பகிர்ந்திருந்தார். இது என்னை குழப்பமடையச் செய்தது. அந்தச் செய்திக்காக அழுவதா, இல்லை இந்த மீமுக்காக சிரிப்பதா எனத் தெரியவில்லை. ஒரு மனிதனாக இந்த முரண் என்னை பாதித்தது, அதனால் என் கணக்கை டெலிட் செய்து விட்டேன்.

என்று தெரிவித்துள்ளார் விஜய் சேதுபதி.

மேலும் வாசிக்க…

இந்திய தொலைதொடர்பு ஒழுங்குமுறை ஆணையம் விதித்துள்ள கட்டுப்பாடுகள் காரணமாக பேஸ்புக் சமூக வலைத்தள நிறுவனத்தின் இலவச அடிப்படை சேவை ரத்து செய்யப்பட்டுள்ளது.

இந்திய தொலைதொடர்பு ஒழுங்குமுறை ஆணையம் (டிராய்) கடந்த 8 ஆம் திகதி புதிய கட்டுப்பாடுகளை கொண்டுவந்தது.

அதன்படி, இணையதள சேவையைப் பொறுத்து, மாறுபட்ட கட்டணம் வசூலிப்பதற்கும், இலவச சேவைகளை வழங்குவதற்கும் தடை விதிக்கப்பட்டுள்ளது.

அத்துடன், சேவை வழங்கும் நிறுவனம், பிற நிறுவனங்களுடன், நபர்களுடன் ஒப்பந்தம் செய்து கொள்ளவும் தடை விதிக்கப்பட்டுள்ளது.

இந்த முடிவு, இணைய தள சம நிலை சேவையை பாதுகாக்கும் வகையில் எடுத்துள்ளதாக அந்த அமைப்பு கூறியது. இந்த கட்டுப்பாடுகளை மீறினால் அபராதம் விதிக்கப்படும் எனவும் எச்சரிக்கை விடுத்தது.

இந்த கட்டுப்பாடுகள் காரணமாக பொதுமக்கள் பயன்படுத்தும் தகவல்களுக்கு, எந்த இணையதளமாக இருந்தாலும், எந்த செயலியைப் பயன்படுத்தினாலும், சம கட்டணம் வசூலிக்கும் நிலை ஏற்பட்டுள்ளது.

பேஸ்புக் நிறுவனம், ரிலையன்ஸ்சுடன் இணைந்து பேஸ்புக் உள்ளிட்ட சில அடிப்படை சேவைகளை இலவசமாக வழங்கி வந்த "ப்ரி பேசிக்ஸ்" திட்டம் மாற்றப்பட வேண்டிய நிலை ஏற்பட்டுள்ளது.

அதேபோல, ஏர்டெல் நிறுவனம் அறிமுகப்படுத்திய ஜீரோ ரேட்டிங் பிளான் மாற்றம் செய்யவேண்டிய சூழல் ஏற்பட்டுள்ளது.

இந்நிலையில், டிராய் விதித்துள்ள இந்த தடை ஏமாற்றம் அளிப்பதாக பேஸ்புக் சமூக வலைத்தள நிறுவனர் மார்க் ஜூக்கர்பெர்க் வருத்தம் தெரிவித்திருந்தார்.

இதைத் தொடர்ந்து, பேஸ்புக் சமூக வலைத்தள நிறுவனம் தனது இலவச அடிப்படை சேவையை நிறுத்துவதாக அறிவித்துள்ளது.

இது குறித்து அந்த நிறுவனத்தின் செய்தி தொடர்பாளர் மின்னஞ்சலில், "இந்தியாவில் உள்ள மக்களுக்கு இலவச பேசிக்ஸ் திட்டம் இனி இல்லை" என்று குறிப்பிட்டுள்ளார் என்பது குறிப்பிடத்தக்கது.

மேலும் வாசிக்க…

பேஸ்புக், டிவிட்டர் போன்ற சமூக வலைதளங்கள் உலகெங்கும் வாழும் நண்பர்களை தங்கள் கருத்துக்களை பரிமாறிக்கொள்வதற்காக தொடங்கப்பட்டது. ஆனால் காலப்போக்கில் யார் வேண்டுமானாலும் யாருடன் வேண்டுமானாலும் நண்பர்கள் ஆகத்தொடங்கி விட்டனர்.

முகம் பார்த்து பேசிய நட்புக்கள் மறைந்து முகப்புத்தக நட்புதான் இன்றைய டிரெண்ட். பிறந்தநாளுக்கு கூட நேரில் வாழ்த்து தெரிவித்தாலும் பேஸ்புக்கில் லைக் போட வில்லை என்று கவலைப்படுபவர்கள் இருக்கத்தான் செய்கின்றனர்.

காதலும் இப்போது பேஸ்புக்கில் அதிகரித்து வருகிறது. பெண்களை நேரில் பாலோ செய்த காலம் போய் பேஸ்புக்கிலும், டிவிட்டரிலும் பாலோ செய்கின்றனர். இதில் நிறைய அக்கவுண்ட்கள் போலி தான் என்பது பலருக்கும் புரிவதில்லை.

பெண்களின் பெயரில் அக்கவுண்ட் வைத்து நடிகர், நடிகைகள் போட்டோவை Profile Picture ஆக வைத்தால் கண்ணை மூடிக்கொண்டு ரெக்வஸ்ட் கொடுத்து சாட்டில் பேசி காதல் வளர்க்கின்றனர். சம்பந்தப்பட்டவர்களை நேரில் சந்திக்கும்போது தான் இவர்களின் வண்டவாளம் தெரியும்.

இப்படி பேஸ்புக்கில் பேசி தங்கள் பணத்தையும், நேரத்தையும் பலர் இழந்திருக்கின்றனர். சிலர் தங்களது கற்பையும், உயிரையும் கூட இழந்திருக்கின்றனர்.

பேஸ்புக்கின் உண்மைநிலையை நகைச்சுவையாக இந்த முதியவர்கள் சொல்வதை இந்த காணொளியில் பாருங்கள்,

மேலும் வாசிக்க…

ஃபேஸ்புக் மெசன்ஜர் செயலியை மாதத்திற்கு 800 மில்லியன் மக்களுக்கு மேல் பயன்படுத்துவதாக அந்நிறுவனம் தெரிவித்துள்ளது. கடந்த சில மாதங்களாக அனைத்து வித மொபைல் தேவைகளுக்கும் மெசன்ஜர் செயல்பட்டு வருவதாகவும் அந்நிறுவனம் தெரிவித்துள்ளது.அந்த வகையில் ஃபேஸ்புக் மெசன்ஜரில் நீங்கள் அறிந்திராத சில பயன்பாடுகளை தான் இங்கு தொகுத்திருக்கின்றோம். ஃபேஸ்புக் மெசன்ஜர் பயன்படுத்துபவர்கள் ஸ்லைடர்களில் வழங்கப்பட்டிருக்கும் சில எளிய வழிமுறைகளை அறிந்து கொள்ளுங்கள்.

ஸ்டான்டு அலோன் வெப்சைட்
ஃபேஸ்புக்கில் நியூஸ் ஃபீடிஇன் தலையிடுதல் இல்லாமல் நீங்கள் உங்கள் நண்பர்களுடன் கலந்துரையாட முடியும். செயலியை போல் இது மிகவும் சுத்தமாகவும் எளிமையாகவும் இருக்கும். ஆனால் இது இணையத்தில் பயன்படுத்தப்படுகின்றது.

மெசன்ஜரை பயன்படுத்த ஃபேஸ்புக் தேவையில்லை
உங்களிடம் ஃபேஸ்புக் கணக்கு இல்லையென்றால் நீங்கள் "Not on Facebook" என்பதை தேர்ந்தெடுத்து கொள்ள முடியும். இந்த செயலியையும் அதன் அம்சத்தையும் எடுத்து கொள்ள மெசன்ஜர் செயலியை பயன்படுத்துங்கள்.

யுபெரை கோரவும்
மெசன்ஜர் மூலமாக நீங்கள் யுபெர் காரை புக் செய்ய முடியும். உரையாடளுக்கு உள்ளே மோர் ஐகானை தேர்வு செய்து டிரான்ஸ்போர்டேஷனை டேப் செய்யவும். நீங்கள் அங்கிருந்து லாக் இன் செய்து யுபெரை கோர வேண்டும்.

க்ரூப் கான்வெர்சேஷனை பின் செய்யவும்
நீங்கள் ஒரே குழுவுடன் சாட் செய்தால், உரையாடலை பின் செய்ய முடிந்தால் தேடுவதற்கு நீங்கள் ஸ்க்ரோல் செய்ய தேவையில்லை. செயலியின் கீழ் உள்ள க்ரூப் பொத்தான் மீது க்ளிக் செய்தால் மேலே ஓரத்தில் இடது பக்கத்தில் பின் பொத்தானை காண்பீர்கள்.

உரையாடலை ம்யூட் செய்யவும்
ஒரு குறிப்பிட்ட உரையாடலை மெசேஜின் மேல் உள்ள பெயரை க்ளிக் செய்து ம்யூட் செய்யவும். நீங்கள் ம்யூட் செய்ய வேண்டிய நேரம், காலம் மற்றும் நோட்டிபிகேஷனையும் தேர்வு செய்யவும்.

கட்டணம் செலுத்தலாம்
உங்கள் நண்பர்களுக்கு நீங்கள் pay செய்வதற்கென்று சில செயலிகள் உள்ளன. ஆனால் உங்கள் போனில் போதிய இடம் இல்லையென்றால் கவலை வேண்டாம் மெசன்ஜர் உள்ளது. உங்கள் நண்பர்களுக்கு இதன் மூலம் பணம் இல்லாமலேயே கட்டணம் செலுத்த  முடியும்.

ஃபேஷியல் ரிகஃக்னீஷன் பயன்படுத்தி போட்டோக்களை பகிரலாம்
உங்கள் நண்பர்களுக்கு சுலபமாக போட்டோக்களை அனுப்ப மெசன்ஜர் செயலி உதவுகின்றது. இந்த போட்டோ மேஜிக் அம்சமானது ஃபேஷியல் ரிகஃக்னீஷன் ( facial recognition ) பயன்படுத்துகின்றது. இந்த செயலி போட்டோவை ஷேர் செய்ய உதவுகின்றது. உங்கள் கேமரா ரோலில் உங்கள் நண்பருடன் புதிய படம் வந்தால் இது உங்களுக்கு நோட்டிஃபை செய்கின்றது.

உங்கள் இடத்தை பகிரலாம்
மற்ற குறுந்தகவல் செயலியை போன்று இதிலும் உங்கள் லொகேஷனை பகிர முடியும். இதில் வரும் அம்சமானது உங்கள் லொகேஷனை தெரியப்படுத்தவும், அல்லது ஒரு இடத்தை தேடவும் பயன்படுகின்றது.

GIFs அனுப்பவும்
உங்கள் செயலியில் உரையாடலின் கீழ் பல முறை டேப் செய்யவும். அதில் பலவித செயலிகள் உங்களுக்கு கிடைக்கும். அவற்றை GIPHY நிறுவி கொள்ள முடியும். நிறுவியவுடன் உரையாடலின் கீழ் உள்ள GIF ஐகானை தேர்ந்தெடுத்து GIFஐ தேடி மெசன்ஜருக்கு நேராக அனுப்பலாம்.

உங்கள் சாட் ஸ்கிரீனை கஸ்டமைஸ் செய்யவும்
மெசேஜ் த்ரெட்ஸ் ( Message threads ) இருப்பதை போன்று நீங்கள் கஸ்டமைஸ் ( customize ) செய்யலாம். நீங்கள் உரையாடலில் இருக்கும் போது திரையின் மேல் உங்கள் நண்பர்களின் பெயரின் மேல் nicknames, color மற்றும் emojiக்கு என்று ஆப்ஷன்களை காண முடியும்.

மேலும் வாசிக்க…

பிரபல சமூக வலைத்தளமான 'வாட்ஸ் ஆப்'-ஐ உலகம் முழுவதும் 100 கோடி பேர் பயன்படுத்தி வருகின்றனர். தனது நண்பர்களுடன் தொடர்பில் இருப்பதற்கு பெரும்பாலும் இதை சார்ந்தே பலரும் இருக்கிறார்கள்.

தற்போது வரை வாட்ஸ் ஆப்-க்கு ஓராண்டுக்கு பிறகு பயன்படுத்த ஆண்டு ஒன்றுக்கு 1 டாலர் சந்தா கட்டணமாக வசூலிக்கப்பட்டு வருகிறது. இந்நிலையில், இனி இந்த கட்டணம் வசூலிக்கப்பட மாட்டாது என வாட்ஸ் ஆப் தெரிவித்துள்ளது. இன்னும் சில வாரங்களில் வாட்ஸ் ஆப்பின் அனைத்து பதிப்புகளுக்கு கட்டணம் முற்றிலுமாக ரத்து செய்யப்படுகிறது.

கடந்த 2014-ம் ஆண்டு 19 பில்லியன் டாலருக்கு வாட்ஸ் ஆப்-ஐ பேஸ்புக் நிறுவனம் விலைக்கு வாங்கியது குறிப்பிடத்தக்கது.

மேலும் வாசிக்க…