ஜெயலலிதா முன்னிலையில் அ.தி.மு.க.வில் இணைந்தார் நடிகை நமீதா..!!

எங்கள் அண்ணா, மகா நடிகன், ஏய், சாணக்கியா உள்பட பல படங்களில் நடித்து பிரபலமானவர் நடிகை நமீதா.

சினிமா வாய்ப்பு குறைந்ததையடுத்து தொலைக்காட்சி நிகழ்ச்சியில் பங்கேற்றுவந்த இவர், அ.தி.மு.க.வில் இணைய விரும்பினார்.
இதுதொடர்பாக அக்கட்சியின் பொதுச்யெலாளரும் முதலமைச்சருமான ஜெயலலிதாவுக்கு கடிதம் எழுதியிருந்தார்.

அதில்,சிறந்த தலைவியாக திகழும் தங்கள் தலைமையில் நானும் இணைந்து என்னாலான பங்களிப்பை தர விரும்புகிறேன், தங்கள் தலைமையில் அ.தி.மு.க.வில் அடிப்படை உறுப்பினராக என்னை சேர்த்துக்கொள்ளுமாறு பணிவுடன் கேட்டுக்கொள்கிறேன் என்று நடிகை நமீதா கூறி உள்ளார்.

இந்நிலையில், திருச்சியில் இன்று நடைபெற்ற பிரச்சாரப் பொதுக்கூட்டத்தில் அ.தி.மு.க. வேட்பாளர்களை ஆதரித்து முதலமைச்சர் ஜெயலலிதா பிரச்சாரம் செய்தார். அவர் உரையாற்றி முடிந்ததும், அவர் முன்னிலையில் நடிகை நமீதா அ.தி.மு.க.வில் தன்னை இணைத்துக் கொண்டார். அப்போது நமீதாவுக்கு முதலமைச்சர் ஜெயலலிதா உறுப்பினர் அட்டையை வழங்கினார்.

Tags: Cinema , எங்கள் அண்ணா , ஏய் , சாணக்கியா , சினிமா , நமீதா , மகா நடிகன் , ஜெயலலிதா