ஹீரோவானார் அண்ணாச்சி..!!

காமெடி நடிகர்கள் சமீபகாலமாக ஹீரோவாக மாறி வருகின்றனர். வடிவேலு, விவேக், சந்தானம் உள்ளிட்ட நடிகர்கள் ஹீரோவாக நடித்த படங்கள் ரசிகர்களிடையே நல்ல வரவேற்பு பெற்று வருகிறது. இந்த வரிசையில் காமெடி நடிகர் இமான் அண்ணாச்சியும் இடம் பெற இருக்கிறார்.

‘குட்டிப் பட்டாளம்’ என்ற படம் மூலம் இமான் அண்ணாச்சி ஹீரோவாக நடிக்கிறார். இவருடன் மாஸ்டர் ஏ.வி.பாலா உட்பட 20 குழந்தைகள் நடிக்கிறார்கள். இப்படத்தை ரவிதம்பி இயக்குகிறார். இவர் இப்படம் குறித்து கூறும்போது, ‘குழந்தைகளுக்கு மிகவும் பிடித்தவராக இமான் அண்ணாச்சி இருந்து வருகிறார்.

என்னுடைய கதைக்கு இமான் அண்ணாச்சி பொருத்தமாக இருப்பதால் அவரை தேர்வு செய்திருக்கிறேன். இப்படம் ஜாலியான பொழுதுபோக்கு படமாக உருவாக்க இருக்கிறோம். இப்படத்தை பார்க்கும்போது ரசிகர்களை மீண்டும் குழந்தை பருவத்திற்கு கொண்டு செல்லும். இப்படத்தின் படப்பிடிப்பு ஜனவரி மாதம் தொடங்க இருக்கிறோம்’ என்றார்.

இப்படத்தை ஜி.அனில்குமார், ஆர்.சிவசங்கரன் தயாரிக்கிறார்கள். ஜோய் ஆண்டனி ஒளிப்பதிவு செய்கிறார். மார்டின் தேவகுமார் இசையமைக்கவுள்ளார்.

Tags: Cinema , சந்தானம் , சினிமா , வடிவேலு , விவேக் , ஹீரோவானார் அண்ணாச்சி