புலியை அடித்து துரத்திய வேதாளம்..!!

அஜித் நடிப்பில் சிறுத்தை சிவா இயக்கியிருக்கும் படம் ‘வேதாளம்’. இப்படத்தில் அஜித்துக்கு ஜோடியாக ஸ்ருதிஹாசன் நடித்துள்ளார். லட்சுமி மேனன், அஸ்வின், கபீர் சிங், தம்பி ராமையா உள்ளிட்டோர் முக்கிய கதாபாத்திரத்தில் நடித்துள்ளனர். அனிருத் இசையமைத்து வரும் இப்படத்தை ஏ.எம்.ரத்னம் தயாரித்துள்ளார்.

இந்த படத்தில் அஜித் கால் டாக்சி டிரைவராகவும், ஸ்ருதிஹாசன் வக்கீலாகவும் நடித்துள்ளார்கள். மேலும் இப்படத்தில் அஜித் இரட்டை வேடத்தில் நடித்திருப்பதாக கூறப்படுகிறது. தீபாவளிக்கு இப்படம் வெளியாக இருக்கிறது. இந்நிலையில் இப்படத்தின் டீசர் இன்று வெளியாகியுள்ளது.

இது ரசிகர்கள் அனைவரையும் வெகுவாக கவர்ந்துள்ளது. ஆனால், இந்த டீசர் சத்தமில்லாமல் மிகப்பெரும் சாதனை ஒன்றை படைத்துள்ளது. இதுநாள்வரை பாப் பாடகி டைலர் ஷிப்பிடின் ‘பேட் பிளட்’ என்ற ஆல்பம் தான் வெளிவந்த ஒரு மணி நேரத்தில் 32 ஆயிரம் லைக்குகளை பெற்று முதலிடத்தில் இருந்தது.

ஆனால், இந்த சாதனையை ‘வேதாளம்’ முறியடித்துள்ளது. இப்படத்தின் டீசர் வெளிவந்த ஒரு மணி நேரத்தில் 50 ஆயிரம் லைக்குகளை பெற்றுள்ளது.
இதை தொடர்ந்து டீசர்களில் அதிக லைக்குகளை பெற்ற புலி படத்தின் டீசர் சாதனையையும் இன்றே முறியடித்து விடும் என்று எதிர்பார்க்கப்படுகிறது.

Tags: Cinema , சினிமா